Poet
puchhta kaun hai darta hai tu ai yaar abas
qatl karne se mire hai tujhe inkar abas
kya miri aankh adam biich lagi thi ai charkh
kiya us khvab se tu ne mujhe bedar abas
vasl hi us ka dava hai miri bimari ko
aur kuchh karte hain tadbir ye gham-khvar abas
yaar tanha hai phir aisa nahin milne ka vaqt
sharm hoti hai meri mana-e-guftar abas
aur bhi un ne ‘bayan’ zulm kuchh afzud kiya
kiya us shokh se tiin ishq ka izhar abas
Leave a Reply