Ahmad Mahfuz
us se rishta hai abhi tak mera
vo ilaqa hai abhi tak mera
kis tavaqqo ne jagaya tha mujhe
khvab taaza hai abhi tak mera
kya bataun main lab-e-dariya se
kuchh taqaza hai abhi tak mera
kahin yak dasht hava chamakti thi
shahr andha hai abhi tak mera
ik zara khud ko sametun to chalun
kaam phaila hai abhi tak mera
vahi sahra hai vahi ranj-e-safar
vahi qissa hai abhi tak mera
Leave a Reply