kasrat se daagh hain jo gham-e-ishq-e-khal men
til bhar jagah nahin hai dil-e-pur-malal men
ifsha-e-raz-e-ishq jo ashkon ne kar diya
duuba hua hai dil araq-e-infial men
rahti nahin hai zulf-e-pareshan banav se
bikhri hai is liye ki phanse koi jaal men
ai jaan dil ke gor-e-ghariban men aaiye
sab arzuen dafn hain gard-e-malal men
dil ko jo yad-e-jalva-e-ariz hai dam-ba-dam
raushan hai sham-e-husn makan-e-khayal men
kya dil dukhaoge jo maza dard ka nahin
dam bhar to baitho aa ke dil-e-pur-malal men
ham ko hujum-e-gham bhi ghanimat hua ‘nazar’
sab aib dil ke chhup gae gard-e-malal men