Manzar Naqvi
poshak-e-mohabbat thi phaTi ham ne vo si di
ehsas ki nagri men khila rang-e-shahidi
kis jabr ka nargha hai madine ki riyasat
ḳhamosh hai kyon kya hai koi ahd-e-yazidi
ham girya ke phulon se gira Dalenge ik din
divar ke pichhe bhi hai divar-e-hadidi
tum apne tasavvur se banate ho jo misre
ye ham ne diye tum ko ḳhayalat jadidi
ye apna tayaqqun tha ki mil ja.egi ‘manzar’
sayyad the so bhule se bhi duniya na ḳharidi
Leave a Reply