Mardan Ali Khan Rana
pise hain dil ziyada-tar hina se
chala do gaam bhi jab vo ada se
vo but aae idhar bhi bhuul kar raah
dua ye mangta huun main khuda se
hijab us ka hua shab mane-e-did
naqab ulti na chehre ki haya se
ishara khanjar-e-abru ka bas tha
mujhe maara abas tegh-e-jafa se
bahut bal kha rahi hai zulf-e-janan
bachegi jaan kyuun kar is bala se
hai behtar ik karishme men hon do kaam
madine jaun rah-e-karbala se
khuda jab be-talab bar laae maqsad
uthaun kyuun na haath apne dua se
‘nizam’ ab uqda-e-dil kyuun na hal hon
mohabbat hai tujhe mushkil-kusha se
Leave a Reply