poet

Phul Allah Ne Banae Hain Mahakne Ke Liye

phuul allah ne banae hain mahakne ke liye

aur bulbul ko banaya hai chahakne ke liye

atish-e-gham se banaya hai mire siine men

dil ko angare ki manind dahakne ke liye

bache kam-bakht vo dil kyunki bhala jis dil ke

mustaid ho nigah-e-shokh uchakne ke liye

rind kahte hain ki khaliq ne kiya hai paida

raat din naseh-e-behuda ko bakne ke liye

rahm ai chashm banaya hai kahin kya dil ko

qatra-e-ashk ho mizhgan se tapakne ke liye

shaikh ko rindon se kah do ki nazar men rakkhen

kyunki ab DhunDe hai qaabu vo khisakne ke liye

‘aish’ batla to bana hai dil-e-hairan tera

misl-e-aina ye kis shakl ke takne ke liye

More Poems

Leave a Comment