Unki Sharminda-E-Ehsan Si Ho Jati Hai

un ki sharminda-e-ehsan si ho jaati hai

ye nazar mil ke pasheman si ho jaati hai

tum ne chhina hai mire dil ka diya aankh ki lau

in andheron men bhi pahchan si ho jaati hai

aankh ka shahr ho abad to dil ki basti

aap hi aap se viran si ho jaati hai

un ko pahchan ke bhi taaza sitam par ‘shabnam’

itni nadan hai hairan si ho jaati hai

Leave a Comment