poet

Sarir-E-Saltanat Se Aastan-E-Yar Behtar Tha

sarir-e-saltanat se astan-e-yar behtar tha

hamen zill-e-huma se saya-e-divar behtar tha

mujhe dukh phir diya tu ne munDa kar sabza-e-khat ko

jarahat ko mire vo marham-e-zangar behtar tha

mujhe zanjir karna kya munasib tha baharan men

ki gul hathon men aur paanv men mere khaar behtar tha

hamon ne hijr se kuchh vasl men dhadke bahut dekhe

hamare haq men is rahat se vo azar behtar tha

mira dil mar gaya jis din ki nazzare se baaz aaya

‘yaqin’ parhez agar karta to ye bimar behtar tha

More Poems

Leave a Comment