Poet
pir-e-mai-ḳhana pe marte hain muridon ki tarah
jaan dete hain mohabbat men shahidon ki tarah
inhin kaliyon ka lahu zeb-e-baharan to nahin
mil ga.iin ḳhaak men jo meri ummidon ki tarah
ham ne dekhe hain kuchh aise bhi qarabat vaale
pesh aate hain jo apnon se yazidon ki tarah
haa.e vo kaif men Duubi hui biiti ghaḌiyan
yaad aati hain jo guzri hui eidon ki tarah
un se ummid-e-mohabbat koi kya rakhe ‘saba’
phir ga.e jo kisi bimar ke didon ki tarah
Leave a Reply