jab hue ḳhvab men visal hue
tum ko dekhe to mah-o-sal hue
ham tumhen bhuul kar bhi yaad karen
kis qadar sahab-e-kamal hue
ho ga.e apni zaat men yakta
be-misali ki ik misal hue
apni ḳhamoshiyon ke hujre men
shor karta hua dhamal hue
lutf lene ko un ki hairat ka
ham bhi a.ina-e-jamal hue
lamha-e-vasl to guzar hi gaya
haan magar roz-o-shab vabal hue
un ko divan se nikal diya
sher jo apne hasb-e-hal hue
Leave a Reply