Anwar Sadeed
piile piile chehron men ubhri hai aaj ki shaam
kar sakta huun kyunkar main ye shaam tumhare naam
sail-e-zaman men Duub ga.e mash.hur-e-zamana log
vaqt ke munsif ne kab rakkha qaa.em un ka naam
shohrat-e-am men zarrin tamghe the dil ki taskin
lekin qabr ke katbe par kab darj hue in.aam
jashn-e-muravvat men logon ki unchi uḌi patang
marg-e-muravvat men un sab ka ‘anvar’ roya naam
Leave a Reply