phule hai garche baagh men bulbul hazar shakh
us sarv-qad ko dekhe to ho sharmsar shakh
do din ke barg-o-bar par bulbul na kar ghurur
akhir khizan men hoegi juun chobdar shakh
lutega sab bahar tiri shahna-e-khizan
bulbul par kar le tu zar-e-gul ko nisar shakh
chalte hain tujh pe sang-e-havadis isi liye
mahfuz vo hai jo na rakkhe barg-o-bar-e-shakh
khvahish hai aag ki to takalluf ko duur kar
dekhi hai ‘ishq’ jalti kabhi meva-dar shakh
Leave a Reply