bosida jism-o-jan ki qabaen liye hue
sahra men phir raha huun balaen liye hue
dil vo ajiib shahr ki jis ki fasil par
nazil hua hai ishq balaen liye hue
main vahshat-e-junun huun miri musht-e-khak ko
phirti hain dar-ba-dar ye havaen liye hue
dekha baghaur apni khudi ka jo aaina
ubhre hazar chehre khataen liye hue
ik shor gunjta hai musalsal khalaon men
hai lafz-e-kun bhi kitni sadaen liye hue