Phul Ka Ya Sang Ka Izhaar Kar

Abul Hasanat Haqqi

phuul ka ya sang ka iz.har kar

asman aurang ka iz.har kar

jism ke rauzan se pahle khud nikal

phir qaba-e-tang ka iz.har kar

phuul ki patti pe koi zakhm daal

aaine men rang ka iz.har kar

abginon men siyahi bhar ke chal

dosti men jang ka iz.har kar

dhuul se anfas ke paikar tarash

khushbuon men rang ka iz.har kar

padh raha tha main qasida naam ka

koi bola nang ka iz.har kar

kaun kitna aadmi hai ye bata

aah men ahang ka iz.har kar