Haris Bilal
vo darmiyan se nikla to ye khula mujh par
ki ho ga.e hain musallat ka.i ḳhuda mujh par
adhure naqsh vagarna kashish nahin rakhte
kiya gaya hai koi ḳhaas tajraba mujh par
hamare beach takallum ki ek surat thi
ki husn tujh pe utarta aur aa.ina mujh par
biTha diya gaya pahle baḌe baḌon men mujhe
phir ek camera focus kiya gaya mujh par
vo chand hai use zeba hai daagh mathe par
main rasta huun so paḌta hai naqsh-e-pa mujh par
main ik ada se daraḳhton ke beach Thahra raha
phir ek roz koi naam likh gaya mujh par
Leave a Reply