Gopal Mittal
phir vo nazar hai izn-e-tamasha liye hue
tajdid-e-arzu ka taqaza liye hue
chashm-e-siyah men mastiyan sham-e-visal ki
aariz farogh-e-sub.h-e-nazara liye hue
har ek shaḳhs tark-e-tamanna ka mudda.i
har ek shaḳhs teri tamanna liye hue
kal shab tulu-e-mah ka manzar ajiib tha
tum jaise aa ga.e ruḳh-e-zeba liye hue
dil aaj tak hai lutf-e-faravan se sharmsar
lab aaj tak hain aap ka shikva liye hue
Leave a Reply