phir usi shoḳh ki tasvir utar aa.i hai
mire ash.ar men muzmar miri rusva.i hai
dekhne deta nahin duur talak dil ka ghubar
jis se miliye vo ḳhud apna hi tamasha.i hai
shahr men niklo to hangama ki har zaat ho gum
zaat men utro to ik alam-e-tanha.i hai
zaḳhm har sang hai us dast-e-hina ka ham-rang
ḳhuub us shoḳh ka andaz-e-pazira.i hai
dil ne jab bhi koi saada si tamanna ki hai
zindagi ek naya zaḳhm laga laa.i hai
chaak dil laakh sahi chaak gareban bhi karo
iltifat us ka ba-andaza-e-rusva.i hai
Leave a Reply