bahar aai hai sadme se hamara haal abtar hai
ghata ghanghor chhai hai na saaqi hai na saghar hai
nishan kya puchhte hain aap ham khana-ba-doshon ka
kabhi gulshan men maskan hai kabhi sahra men bistar hai
haqarat ki nigahon se na farsh-e-khak ko dekho
amiron ka faqiron ka yahi akhir ko bistar hai
‘haqir’ ik khvab tha jo aap ne dekha tha london men
na vo saman hai baaqi na ab pahlu men dilbar hai
Leave a Reply