Malika Naseem
agar chahun jhatak kar tod duun zanjir-e-tanhai
main tinka huun magar maujon se hai meri shanasai
sharik-e-rah thi jab tak hamari abla-pai
na mathe par shikan ubhri na paanv men thakan aai
hava se subh-e-na-asudgi achchha kiya tu ne
kitab-e-zindagi ke kuchh varaq tu bhi uda laai
hazaron marhale the fasl-e-gul se chak-e-daman tak
khizan guzri to kab guzri bahar aai to kab aai
‘nasim’ ik din vo aaega ki mazlumon ke qadmon men
panahen dhundhti hogi sitam-ranon ki darai
Leave a Reply