Ba-Har-Tariq Use Mismar Karte Rahna Hai

ba-har-tarīq use mismār karte rahnā hai

kabhī suḳhan to kabhī vaar karte rahnā hai

daroñ ke vāste dīvār chāhiye jānāñ

so farsh-e-ḳhvāb ko dīvār karte rahnā hai

sahar ke mārka-e-nel-o-bad se kyā matlab

hamārā kaam to bedār karte rahnā hai

vo ek dard jo saiqal nahīñ huā ab tak

usī ko ā.ina-e-yār karte rahnā hai

yahī hai virsa-e-shabbīr kā chalan ‘arshad’

ki har yazīd se inkār karte rahnā hai

Leave a Comment