KHarabi Ke Nazare Ug Rahe Hain

ḳharābī ke nazāre ug rahe haiñ

munāfe.a meñ ḳhasāre ug rahe haiñ

tire hoñToñ pe kaliyāñ khil rahī haiñ

mire āñkhoñ meñ taare ug rahe haiñ

falak chūme hai dhartī ke laboñ ko

ki dhartī se kināre ug rahe haiñ

tumhāre ishq meñ jalne kī ḳhātir

badan meñ kuchh sharāre ug rahe haiñ

falak ke chāñd ko chhūne kī zid meñ

‘razā’ jī par hamāre ug rahe haiñ

Leave a Comment