Poet
tanha.i mil saki na ghaḌi bhar kisi ke saath
saaya bhi mere saath raha raushni ke saath
raushan hua na koi daricha mire baghair
ik rabt-e-ḳhas rakhta huun main us gali ke saath
do din ki zindagi men bhi dhaḌka tha hashr ka
karte rahe gunah magar be-dili ke saath
main be-amal tha fard-e-amal kaise ban ga.i
kaisa mazaq hai ye miri bebasi ke saath
main us ko chhoḌ sakta huun ‘tahir’ na vo mujhe
ik zindagi bandhi hai miri zindagi ke saath
Leave a Reply