Dil Mera Aaj Mere Pas Nahin

dil mira aaj mere paas nahin

mujh men kuchh hosh aur havas nahin

dil lagaya jahan jafa dekhi

kya bala ishq mujh ko raas nahin

paas hai yaas gard hai dil ki

aur ab koi as-pas nahin

aap to apna arz kar le haal

dil hamen tab-e-iltimas nahin

yuun khuda chahe to mila de use

vasl ki par hamen to aas nahin

main bhi kuchh ho gaya huun pazhmurda

dil hi mera faqat udaas nahin

kya mile tujh se koi dil-dada

ashnai ki tujh men baas nahin

hai ghafurur-rahim teri zaat

sab se hai yaas tujh se yaas nahin

ek Dar hai to dost ka mujh ko

dushmanon se to kuchh hiras nahin

tere khatir ye sab se duur hua

tu bhi tujh ko ‘hasan’ ka paas nahin

Leave a Comment