Tahzeeb Hafi
jab kisi ek ko riha kiya jaa.e
sab asiron se mashvara kiya jaa.e
rah liya jaa.e apne hone par
apne marne pe hausla kiya jaa.e
ishq karne men kya bura.i hai
haan kiya jaa.e barha kiya jaa.e
mera ik yaar sindh ke us paar
na-ḳhudaon se rabta kiya jaa.e
meri naqlen utarne laga hai
a.ine ka batao kya kiya jaa.e
ḳhamushi se lada hua ik peḌ
is se chal kar mukalima kiya jaa.e
Leave a Reply