Aziz Lakhnavi
vaa.iz butan-e-dair se nafrat na kijiye
kaj-bahsi-e-majaz-o-haqiqat na kijiye
uThiye na aap bazm se ghusse men is qadar
jaata huun main huzur qayamat na kijiye
yaad aa hi jaata hai kabhi naseh ka qaul bhi
sab kijiye jahan men mohabbat na kijiye
bedad aur us pe ye takid al-hazar
aa jaa.e dam labon pe shikayat na kijiye
zindon men ab shumar nahin hazrat-e-‘aziz’
kahte the aap se ki mohabbat na kijiye
Leave a Reply