Farooq Engineer
asman par bane the chehre se
log yaad aa.e bhule-bisre se
kitne suraj zamin men so.e
nuur phuTega zarre zarre se
aankh men aa gaya hai ik aansu
dasht sairab ek qatre se
sabz-mausam hai sahn men lekin
zard-rut jhankti hai kamre se
umr kitni bhi ho magar shohrat
baaz aati kahan hai naḳhre se
gham bhi darvesh ho gaya ‘faruq’
kam nikalta hai apne hujre se
Leave a Reply