poet

Jab Maine Kaha Ai But-E-Khud-Kaam Ware Aa

jab main ne kaha ai but-e-khud-kam vare aa

tab kahne laga ”chal be o bad-nam pare jaa”

hai subh se ashiq ka tire haal nipat tang

maalum ye hota hai ki ta-sham marega

naseh mire rone ka na maane ho ki ashiq

gar ye na kare kaam to phir kaam kare kya

aata hai gar is abr men ai saqi-e-gulfam

to bada-e-gul-rang se tu jaam bhare la

yaan ziist ka khatra nahin haan khinchiye talvar

vo ghair tha jo dekh ke samsam Dare tha

main ne jo kaha ek to bosa tu mujhe de

bola vo ”zaban apni ko tu thaam are ha!”

gar dida-o-dil farsh karun raah men ‘jurat’

mumkin hi nahin jo vo dil-aram dhare pa

More Poems

Leave a Comment