jo hui so hui jaane do milo bismillah
jam-e-mai haath se lo mere piyo bismillah
muntazir aap ke aane ka kai din se huun
kya hai takhir qadam-ranja karo bismillah
le chuke dil to phir ab kya hai sabab ranjish ka
ji bhi hazir hai jo lete ho to lo bismillah
main to huun kushta-e-abru-e-but-e-mushaf-e-ru
mu-qalam se mire turbat pe likho bismillah
zabah karna hi mujhe tum ko hai manzur agar
main bhi hazir huun miri jaan utho bismillah
hote azurda ho aane se hamare jo tum
khush raho mat ho khafa ham chale lo bismillah
ain rahat hai mujhe banda-navaza is men
qadam ankhon pe miri aa ke rakho bismillah
jin ki rahte ho shab-o-roz tum ab sohbat men
jaao ai jaan ab un ke hi raho bismillah
mast nikla hai mai-e-husn men ‘bedar’ vo shokh
dekhna gar na pade kahte chalo bismillah
Leave a Reply