Mohabbat Karne Walon Ke Bahaar-Afroz Sinon Mein

mohabbat karne valon ke bahar-afroz sinon men

raha karti hai shadabi ḳhizan ke bhi mahinon men

ziya-e-mehr ankhon men hai tauba mah-jabinon ke

ki fitrat ne bhara hai husn ḳhud apna hasinon men

hava-e-tund hai girdab hai pur-shor dhara hai

liye jaate hain zauq-e-afiyat si shai safinon men

main hansta huun magar ai dost aksar hanste hue bhi

chhupae hote hain daagh aur nasur apne sinon men

main un men huun jo ho kar astan-e-dost se mahrum

liye phirte hain sajdon ki taḌap apni jabinon men

miri ghazlen paḌhen sab ahl-e-dil aur mast ho jaaen

mai-e-jazbat laaya huun main lafzi abginon men

Leave a Comment