poet

Chhodiye Kis Tarah Se Mai-Noshi

chhodiye kis tarah se mai-noshi

zor-e-alam rakhe hai be-hoshi

ik nazar us ko dekhne paaen

go mayassar na ho ham-aghoshi

qaid karna kisi ko hai manzur

zulf karti hai tujh se sargoshi

huun main sar-gashta misl-e-reg-e-ravan

kya kahun apni khana-bardoshi

vasf men us dahan ke ai ‘joshish’

ham ne ki ikhtiyar khamoshi

More Poems

Leave a Comment