Ziaul Mustafa Turk
phir usi dhun men usi dhyan men aa jaata huun
tujhe milta huun to ausan men aa jaata huun
be-nishan ho rahun jab tak tiri avaz ke saath
phir kisi lafz sa imkan men aa jaata huun
jism se jaise ta.alluq nahin rahta koi
beshtar dida-e-hairan men aa jaata huun
shaḳh-e-gul se jo hava haath milati hai kahin
isi asna isi dauran men aa jaata huun
tu kisi sub.h si angan men utar aati hai
main kisi dhuup sa dalan men aa jaata huun
Leave a Reply