Dheerendra Singh Faiyaz
phir se ik baar use ḳhud pe sitam Dhane duun
ya.ani vo lauT ke aa.e to use aane duun
niind ke zaḳhm ke baare men na sochun itna
aankh agar ḳhvab se ghabra.e to ghabrane duun
pyaas itni bhi nahin hai ki main rokun tujh ko
dil bhara bhi nahin itna ki tujhe jaane duun
ek bas ishq ke badle men diya hijr us ne
itni si baat pe kya ḳhaak use ta.ane duun
tere mathe ki lakiron ko miTa duun yaksar
la jabin paas tire ranj ko main shane duun
log ye chahte hain baat na manun dil ki
ruuh kha.egi badan aur badan khane duun
teri vahshat ke ta.iin aankh munasib hai miri
aa tujhe ek nahin balki do virane duun
Leave a Reply