phir koi hai silsila ilzam ka
ye vatira hai mire gulfam ka
roz karta hai vo raushan shaam ko
ik diya chhoTa sa mere naam ka
ḳhub-surat dilruba si sha.iri
silsila hai ruuh tak ilham ka
chahaton ki barishen karta hai vo
ḳhuub vaqif hai vo apne kaam ka
dil men apne sochti huun main kabhi
vaqt aa.ega mire aram ka
vo junun-ḳhezi to kab ki miT chuki
ab ‘shagufta’ vasta hai naam ka
Leave a Reply