dil-o-dimagh ki zid hai ki apne ghar men raho
mizaj kahta hai har vaqt ik safar men raho
vajud kuchh na rahe sirf is tarah ho jaao
raho to aise ki har lamha har nazar men raho
jhulas rahe hain ka.i jism sa.ebanon men
kis e’tibar pe phir saya-e-shajar men raho
kisi daraḳht se mango na saa.e ki ḳhairat
nabard-azma suraj se dopahar men raho
dil-e-‘sharar’ men nahin kuchh bhi tajrabon ke siva
jo rahna hai to tamazat bano sharar men raho
Leave a Reply