Roohi Kanjahi
phir koi hadisa hua hi nahin
koi un ki tarah mila hi nahin
ho chuki pattharon ki barish tak
zaḳhm-e-ehsas jagta hi nahin
sar se paani guzar chuka hai magar
dil kisi taur Dubta hi nahin
tai hue marhale ka.i lekin
fasla to koi miTa hi nahin
un ko kya kya gile rahe ham se
ham ko jin se koi gila hi nahin
aas ne aa ke dam kahan toḌa
ab ke ‘ruhi’ pata chala hi nahin
Leave a Reply