Phir Koi Hadisa Hua Hi Nahin

phir koī hādisa huā hī nahīñ

koī un kī tarah milā hī nahīñ

ho chukī pattharoñ kī bārish tak

zaḳhm-e-ehsās jāgtā hī nahīñ

sar se paanī guzar chukā hai magar

dil kisī taur Dūbtā hī nahīñ

tai hue marhale ka.ī lekin

fāsla to koī miTā hī nahīñ

un ko kyā kyā gile rahe ham se

ham ko jin se koī gila hī nahīñ

aas ne aa ke dam kahāñ toḌā

ab ke ‘rūhī’ pata chalā hī nahīñ

Leave a Comment