Phal Hai Gar Tu to Main Patthar Hun Teri Qismat Hai

phal hai gar tu to main patthar huun tiri qismat hai

main agar tera muqaddar huun tiri qismat hai

kuchh ghalat likh bhi liya hai to miTa le us ko

main tire haath men duster huun tiri qismat hai

jaan ko jaan ghanimat to ibadat kar le

jaan huun jism ke andar huun tiri qismat hai

barf raton men ThiThurne se to achchha ye hai

oḌh le mujh ko main chadar huun tiri qismat hai

tu hai pyasa to koi fikr na kar yaar mire

shukr kar main bhi samundar huun tiri qismat hai

mujh se ho kar to nikal aa zara duniya to dekh

chaar divari men main dar huun tiri qismat hai

puchh us shaḳhs se main jis ko nahin mil paaya

main tujhe jitna mayassar huun tiri qismat hai