Hain Jaane-Bujhe Yar Ham, Hum Sath An-Jaani Na Kar

hain jane-bujhe yaar ham, ham saath an-jani na kar

dar se hamen durkar na jaani ye nadani na kar

ik dil tha jo tujh ko diya hai aur dil jo aur le

ham chahen tujh chhut aur ko ye baat divani na kar

arsh-e-ilahulalamin ja-e-adab hai khol jhad

hai khana-e-dil gharq par dekh ashk tughyani na kar

hain jhonpadiyan ham-sae men mat aag in ko lag uthe

nichli tu rah siine men tuk, tuk aah jaulani na kar

ham ishq tere haath se kya kya na dekhin halaten

dekh ab-dida khuun na ho khun-e-jigar paani na kar

aansu ke hai dariya pe aa dil ka safina tar raha

ab ‘azfari’ mat aah bhar kashti ye tufani na kar