Farhan Salim
mata-e-dard ma.al-e-hayat hai shayad
dil-e-shikasta miri ka.enat hai shayad
bas ik naqab thi vo sub.h-e-nau ke chehra par
ham is fareb men uljhe ki raat hai shayad
ḳhirad ki had bhi mili hai junun par aa kar
junun qahr-e-ḳhirad se najat hai shayad
ye ik ḳhalish ki musalsal sata rahi hai mujhe
ki lab vo kanpe hain kyuun koi baat hai shayad
unhen guman ki mujhe un se rabt hai ‘salim’
mujhe ye vahm unhen iltifat hai shayad
Leave a Reply