ahmad-shahryar

Phail Raha Hai Ye Jo Khaali Hone Ka Dar Mujh Mein

phail raha hai ye jo khali hone ka Dar mujh men

akhir-kar simat aaega mera bahar mujh men

ro dunga to ashk nahin ankhon se ret bahegi

khuun kahan kuchh sukhe dariya hain sahra bhar mujh men

pahron jalta rahta huun main jaise koi suraj

ek kiran jab ruk jaati hai tujh se chhan kar mujh men

tu maujud hai main maadum huun is ka matlab ye hai

tujh men jo napaid hai pyare vo hai mayassar mujh men

qatra thiik hai dariya hone men nuqsan bahut hai

dekh to kaise Duub raha hai mera lashkar mujh men

More Poems

Leave a Comment