paata nahin huun aur kisi kaam se lazzat
jo kuchh ki main paata huun tire naam se lazzat
kaifiyaten is dida-e-maigun se jo pain
paai na kabhi baade se aur jaam se lazzat
zahir hai tiri nargis-e-makhmur se masti
tapke hai tire lal-e-mai-asham se lazzat
paata huun maza bekali aur dard ka aisa
paave hai koi jaise ki aram se lazzat
rakhta hai havas bose ki tere shah-e-‘alam’
pavega bahut tere is inaam se lazzat
Leave a Reply