past-o-buland men jo tujhe rishta chahiye
milne ko tujh se chhat pe mujhe ziina chahiye
ye kaun aa gaya hai mire us ke darmiyan
divar hai to us men mujhe raḳhna chahiye
ta.amir ke liye mujhe darkar ek umr
taḳhrib ke liye mujhe ik lamha chahiye
yaron ne meri raah men divar khinch kar
mash.hur kar diya ki mujhe saaya chahiye
milne ka ab nahin jo kisi bhi dukan men
hindostan ka mujhe vo naqsha chahiye
Leave a Reply