Osama Khalid
qufl khulenge aur magarmachhon ka munh khul ja.ega
kya malum is dil ke ghaar se kya kya samne aa.ega
dil ki javani Dhal ja.egi ret apne thal ja.egi
aur hamara aks faza men surḳh dhuan ban ja.ega
divaron ke biich paḌi hai band dariche ki tasvir
soch raha huun is kamre men chor kahan se aa.ega
tum ne meri gun dekhi hai aur bullet se vaqif ho
us ka zikr zaban par laao aaj pata chal ja.ega
tir-andazi karte karte sab ko niind aa ja.egi
aur sipah-salar ka beTa tension se mar ja.ega
Leave a Reply