mere sar se kya gharaz sarkar ko
dekhiye apne dar-o-divar ko
ye ghata aisi ghata itni ghata
mai halal aise men hai mai-khvar ko
dhamkiyan dete ho kya talvar ki
ham lagate hain gale talvar ko
apni apni sab dikhate hain bahar
gul bhi gulshan se chale bazar ko
taaq se miina utaar aai bahar
taaq par rakh shaikh istighfar ko
dhundhta phirta hai ku-e-ghair men
dil ‘mubarak’ ko ‘mubarak’ yaar ko
Leave a Reply