Bubbles Hora Saba
paas hone ka ishara mil gaya
ab to jiine ka sahara mil gaya
Dhal gaya suraj to kuchh aisa laga
sub.h-e-nau ka ik nazara mil gaya
tum mile to mil ga.i hai zindagi
marte marte bhi sahara mil gaya
na-umidi ko mili ummid ik
ik sahara jab tumhara mil gaya
Dubne vaali thi kashti jaan ki
ab to sahil ka kinara mil gaya
ye zamin-o-asman kya hain ‘saba’
jab jahan-e-ishq saara mil gaya
Leave a Reply