nahin jo daulat-e-zad-e-safar to kya gham hai
yahi mata.a bahut hai ki azm-e-mohkam hai
qadam qadam pe havadis qadam qadam ḳhatre
bata rahe hain ki manzil ka fasla kam hai
ye mai-kade ke hain baani inhen sharab na do
huzur jurm baḌa hai saza bahut kam hai
hamari baat hi kya thi rahi rahi na rahi
tumhari baat to rakh li hai kya ye kuchh kam hai
hain ab bhi saghar-o-mina ke tazkire ‘ghalib’
ki ab na haath men jumbish na aankh men dam hai
rah-e-adab men jale to hain kuchh charagh na.e
magar ye kaun bata.e ki raushni kam hai
ye kis maqam pe ham aa ga.e hain ai ‘rahmat’
na zindagi ki ḳhushi hai na maut ka gham hai
Leave a Reply