Basir Sultan Kazmi
ham kamyab ho ke bhi nakam rah ga.e
iz.har kuchh hua bhi to ib.ham rah ga.e
azad ho ke juun hi khule mere bal-o-par
mujh par khula ki paanv tah-e-dam rah ga.e
main de saka na un ko kisi tajarbe ki aanch
afsos kuchh ḳhayal mire ḳhaam rah ga.e
karti rahi zaban miri be-dast-o-pa mujhe
baton men umr biit ga.i kaam rah ga.e
main raah dekhta raha yaron ki sub.h tak
‘basir’ bhare-bhara.e mire jaam rah ga.e
Leave a Reply