kuchh dafn hai aur saans liye jaata hai
ik saanp hai jo qalb men lahrata hai
ik guunj hai jo ḳhuun men chakrati hai
ik raaz hai pur-pech hua jaata hai
ik shor hai jo kuchh nahin sunne deta
ik ghar tha jo bazar hua jaata hai
ik narm kali hai jo khili paḌti hai
ik dasht-e-bala hai ki jala jaata hai
ik ḳhauf hai jo kuchh nahin karne deta
ik ḳhvab hai jo niind men taḌpata hai
do paanv hain jo haar ke ruk jaate hain
ik sar hai jo divar se Takrata hai
Leave a Reply