Jamal Owaisi
badan pe ḳharqa-e-tahzib phaTne vaala hai
jise bacha ke rakha hai bahut sambhala hai
tumhen dikha.un main shahr-e-jadid ka naqsha
ye DeḌh iinT ki masjid hai ye shivala hai
tamam raikon men rakkhi hui kitabon men
tumhen ḳhabar nahin fikr-o-nazar ka jaala hai
muhib andhere men raushan ḳhayal logon par
na jaane agle hi pal kya guzarne vaala hai
jahan bhi ubhri sada-e-zamir-e-insani
jadidiyat ke naqibon ne maar Daala hai
faza men uḌte hue aur laḌkhaḌate hue
parind-e-ḳhasta ka ik aḳhiri sambhala hai
Leave a Reply