pas-e-sham-e-alam kisi mahr-e-nigah ko dekhte the
vo log kahan mire hal-e-tabah ko dekhte the
jis din sailab-e-bala aaya tha rahon men
ham bhi sar-e-rah hazimat-e-kah ko dekhte the
ye log jo aaj hue phir sahab-e-mansab-o-jah
ye log kahan kisi mansab-o-jah ko dekhte the
ik jashn-e-masarrat pesh-e-bahir tha us din bhi
sab sakit ho ke shikoh-e-sipah ko dekhte the
mire shaah ki ankhen pathra.i hui lagti thiin
aur dekhne vaale auj-e-kulah ko dekhte the
ankhon men ujala phail gaya tha ‘yusuf’ ka
ham chaah ko dekhte the kabhi raah ko dekhte the
Leave a Reply