ik nai dastan sunane do
aaj ki niind phir ganvane do
beḌiyan toḌ kar samajon ki
ishq men qaid hain divane do
mere maazi ke regzaron men
ḳhat mile hain mujhe purane do
aaj roenge ham bhi ji bhar ke
gham to bas ek hai bahane do
us ko azad kar chuki huun main
phir bhi kahta hai mujh ko jaane do
ek chehre se main pareshan huun
ab mujhe aine sajane do
raqs karti hai mujh men ḳhamoshi
thak gai hai use sulane do
Leave a Reply